Një deklaratë shokuese ka ardhur në adresë të Cristiano Ronaldo-s, ku pretendohet se ai pëlqen meshkujt. Personi i cili ka nxjerrë një anë të errët të Ronaldo-s thotë se martesa e tij me Georgina Rodríguez është veçse një mashtrim, si për të kamufluar faktin se ai ka shije të tjera seksuale.
Piotr Listerman i cili është pronari i një agjencie VIP për çifte, ka bërë të mundur njohjen e Ronaldos dhe bukuroshen ruse, Irina Shayk vite më parë.
Për “Grodon”, Listerman është shprehur se Ronaldo ishte në një marrëdhënie me modelen ruse, Irina Shayk, vetëm për të fshehur një anë të errët të tij, pasi sipas tij, portugezi pëlqen djemtë.
Ai pretendon se lidhja mes tyre ishte një gënjeshtër e e madhe. Por edhe ai nuk ka dalë pa gjë nga e tërë kjo histori, pasi si shpërmblim ka marrë një shumë të majme.
“Po e njoha Ronaldon me Irina Shayk. Megjithatë lidhja e tyre ishte një gënjeshtër, pasi sulmuesi pëlqen djemtë e rinj.
Marrëdhënia mes tyre ishte e dobishme për të dy, pasi Irina Shayk mori popullaritet, ndërsa Ronaldo nuk dëshironte të zhgënjente fansat, dhe vendosi të gjente një femër të mirë. Mes Ronaldos dhe Irinës nuk kishte asnjë marrëdhënie reale, edhe nëse kishte ajo ishte aksidentale. Nga ana tjetër, unë mora 100 mijë euro si kompensim për lidhjen e tyre”, u shpreh Listerman.
Gjithashtu shprehet se pavarësisht se Ronaldo është me Georgina Rodríguez, përsëri ai do burrat më shumë dhe shton se gjithçka e bën sepse i di akuzat e mëdha që do shkonin në drejtim të tij nëse dilte hapur për këtë.
Pesë vite më parë, “The Sun”, duke cituar burime pranë Irina Shayk, ka shkruar se ajo është ndjerë e tradhtuar, për shkak se ka zbuluar se Cristiano flirtonte me vajza të tjera.
“Tani e di të vërtetën dhe ndjehem e tradhtuar. I kam besuar dhe i kam qëndruar afër kur të tjerët thonin se ka qenë me femra të tjera. Cristiano më ka mashtruar”, citohet të ketë thënë Irina burimit të “The Sun”.
Modelja kishte vendosur që të kontrollonte numrat me të cilët shkëmbente SMS Ronaldo, dhe ka zbuluar se i përkasin disa femrave nga gjithë bota.
“Ajo menjëherë ka kërkuar sqarime nga Cristiano, por ai fillimisht hodhi poshtë gjithçka. Kur Irina e ballafaqoi me faktet, ai filloi të justifikohej. Irina s’po mund të besonte, prandaj doli menjëherë nga shtëpia. Ajo i dha fund lidhjes së tyre aty, në atë moment”, citohet burimi i “The Sun”.
