Pas protestës se 27 Janarit deputetet e opozitës janë përballur sot me një situate te re ne Kuvend. Ata janë kontrolluar imtësisht nga efektivet e Gardës se Republikës përpara se të futeshin në seancë.
Në nisje të seancës, nënkryetari demokrat i Parlamentit, Edi Paloka i tha kreut te Kuvendit se deputetët e opozitës sot janë trajtuar si leckë.
Edi Paloka: Na u bë kontroll i rreptë në hyrje të Kuvendit. Ne jemi deputetë, as hajdutë, as terroristë, as kriminelë. Pse ka frikë ai lideri juaj global, nuk mund ta trajtoni deputetin si “leckë”.
Gramoz Ruçi: Nuk e di çfarë shqetësimi keni, por do ta shqyrtojmë dhe do ta zgjidhim menjëherë.
Tritan Shehu: Në asnjë Parlament nuk kontrollohen deputetët, as në Parlamentin Evropian.
