Kafshët e egra, po zhduken nga planeti me një shpejtësi alarmante. Vetëm gjatë 40 viteve të fundit, gati 52 për qind e kafshëve të egra janë në rrezik zhdukjeje.
Dhe një ndër arsyet është tregtia e tyre ilegale. 35.000-50.000 elefantë afrikanë, kapen dhe tregtohen çdo vit. Shumica vriten, për t’u marrë fildishin e çmuar të brirëve të tyre. 5.000 tigra mbahen mbyllur në oborret e shtëpive në SHBA.
Në ambjente të hapura jetojnë vetëm rreth 3.000 tigra. Ndërkohë 3 rinocerontë vriten çdo ditë. Edhe pse shkenca e hedh poshtë, palca e brirëve të tyre, përdoret nga mjekësia popullore si një kurë kundër kancerit.
Afro 28.300 breshka të ujërave të ëmbël, tregtohen çdo ditë në tregun e zi. Ato përdoren për ilaç, si ushqim, ose si kafshë shtëpiake.
Rreth 30 përqind e popullatës së elefantëve aziatikë, ndodhet e mbyllur në kafazë. Ato mbahen në kopshte zoologjike, cirqe, ose përdoren si atraksion për turistët.
Llogaritet që tregtia e paligjshme e kafshëve të egra, sjell çdo vit 5-20 miliardë dollarë fitime vjetore. Ajo renditet si tregtia e katërt ilegale më fitimprurëse në botë, pas drogës, trafikimit të qenieve njerëzore dhe tregtisë së armëve.
Gjatë 25 viteve të fundit, çmimi me shumicë i fildishit në Kinë, është rritur nga 5 në 2.100 dollarë. 1000 rojtarë pylli janë vrarë 10 vitet e fundit, në përpjekje për të mbrojtur speciet e rrezikuara nga zhdukja.
TIRANA TODAY
