Kreu i Partisë Demokratike njoftoi vendimin unanim të grupit parlamentar për dorëzimin e mandateve. Tashmë pritet të ngrihet një grup pune për teknalitetet, ndërsa duket se edhe LSI është drejt këtij vendimi.
Kryetarja Monika Kryemadhi ka mbërritur në zyrën e Bashës, për të diskutuar mbi vendimin e këtij të fundit për dorëzimin e mandateve.
Takimi mes tyre bëhet për të vendosur mbi hapat që do marrë opozita e bashkuar, pas protestës.
Ndërkohë një ditë më parë edhe pse nuk u shpreh qartë nëse do mbështesë propozimin e kryedemokratit për djegien e mandateve, Kryemadhi shkroi në një postim në facebook: “Beteja kundër Ramës dhe bandave të krimit vazhdon. Nuk ka parë gjë akoma!”.
