Zyrtari i Ministrisë së Integrimeve në Kosovë, ka rezultuar negativ në testin për koronavirus. Lajmin e ka konfirmuar zëdhënësi i Qeverisë, Përparim Kryeziu.
“Rezultatet kanë dalë negative për zyrtarin të cilin kemi pasur dyshime, por duhet të kemi kujdes të shtuar. Kryeministri Kurti nesër do të dal nga vetizolimi”, tha ai.
Kryeministri në detyrë, Albin Kurti, ka treguar se është futur në vetizolim, për shkak se kishte pasur kontakt me një zyrtar të Ministrisë së Integrimeve Evropiane, i cili ka pasur po ashtu kontakt të ngushtë me një të infektuar me COVID-19.
Përpos tij, në vetizolim është futur edhe stafi i ngushtë i Zyrës së Kryeministrit. Po ashtu në izolim janë edhe ministri i MIE-së, Blerim Rreka dhe stafi i tij.
