Shumë shtete në mbarë botën kanë hequr kufizimet, edhe pse virusi ende vijon që të marrë jetë njerëzish.
Ndërkohë Papa Françesku në meshën e së dielës në Sheshin e Shën Pjetrit, në Vatikan, u ka bërë thirrje njerëzve të reflektojnë në marrëdhënien e tyre me mjedisin.
“Ulja drastike e ndotjes thuajse në të gjithë botën gjatë izolimit nga pandemia e koronavirusit duhet të çojë në një rritje të përgjegjshmërisë për mjedisin, pas heqjes së kufizimeve.
Izolimi ka ulur ndotjen dhe zbuloi edhe njëherë bukuritë e kaq shumë vendeve, pa trafik dhe pa zhurmë.
Tani, me rifillimin e aktiviteteve, të gjithë duhet të jemi më të përgjegjshëm për t’u kujdesur për shtëpinë tonë të përbashkët”, u shpreh Papa.