Një lajm i mirë vjen nga Koreja e Jugut.
Kjo e fundit raportoi numrin më të ulët të rasteve të reja me koronavirus, që nga kulmi i infektimeve katër javë më parë.
Autoritetet raportuan vetëm 64 raste të reja në 24 orët e fundit, të cilat e çojnë në 8,961 numrin e të infektuarve në vend, nga ku, 111 pacientë kanë humbur jetën.
Aktualisht në qendër të pandemisë është Evropa Jugore.
Italia ka raportuar për 651 viktima të reja të dielën, të cilat e çojnë në mbi 5,470 numrin e viktimave atje.
Ndërsa në Spanjë, mbi 1,720 pacientë kanë humbur jetën.
