Koronavirusi është shndërruar në kërcënim serioz për njerëzimin.
Së fundmi COVID-19 ka shënuar viktimën më të re në moshë.
Drejtori i Departamentit të Shëndetit Publik në Illinois, Dr Ngozi Ezike, ka njoftuar se në SHBA ka ndërruar jetë një foshnjë, që nuk kishte mbushur ende 1 vjeç.
Ezike theksoi se ky është një rast i rrallë dhe po punojnë për të zbuluar më tepër rreth sëmundjeve që mund të ketë pasur fëmija.
“Ne duhet të bëjmë gjithçka që mundemi për të parandaluar përhapjen e këtij virusi vdekjeprurës”, shtoi ai.
Sipas ekspertëve, fëmijët janë më pak të rrezikuar nga koronavirusi. Në rastet më të shumta, ata e kalojnë virusin me simptoma të lehta.
