Në Maqedoninë e Veriut është rritur numri i të infektuarve me COVID-19.
Ministria e Shëndetësisë ka njoftuar për një person të vdekur dhe 22 raste të reja me koronavirus të regjistruara gjatë 24 orëve të fundit.
Në Shkup janë evidentuar nëntë raste, gjashtë në Tetovë, katër në Prilep dhe nga një në Kumanovë, Veles dhe Ohër.
Të dhënat janë bërë të ditura pas kryerjes së 462 testeve nga Instituti i Shëndetit Publik.
Që nga paraqitja e virusit, janë infektuar 1762 persona dhe prej tyre 1267 janë shëruar, 98 kanë ndërruar jetë ndërsa 397 ende janë aktivë. Deri tani janë realizuar 21,010 teste.
Gjatë 24 orëve të fundit, Ministria e Punëve të Brendshme ka regjistruar 64 raste të mosrespektimit të orës policore, ku 49 persona janë arrestuar, shkruan “Rel”.
