Në Kosovë, gjatë 24 orëve të fundit janë regjistruar 14 raste të reja me COVID-19.
“Rastet pozitive janë raste kontakti nga: komuna e Gjilanit 9 raste, komuna e Prizrenit 2 raste dhe me nga 1 rast Peja, Vushtrria dhe Prishtina”, njofton Instituti Kombëtar i Shëndetit Publik.
Që nga data 8 shkurt deri më 10 maj, numri i përgjithshëm i të infektuarve në Kosovë ka arritur në 884.
Sipas njoftimit të Institutit, janë shëruar edhe dy persona duke e çuar kështu numrin total të të shëruarve në 655.
