Koronavirusi vijon që të marrë jetë njerëzish.
Klinika Infektive e QKUK-së ka lajmëruar se edhe një tjetër person i prekur me COVID-19 ka ndërruar jetë sot në Kosovë.
Kështu, numri total i viktimave ka shkuar në 11.
“Njoftim nga Klinika Infektive. Prishtinë, 16 prill 2020. Klinika Infektive ka njoftuar se sot, më 16 prill 2020, në orët e pasdites në Njësinë e Kujdesit Intensiv të kësaj klinike ka përfunduar me vdekje pacienti F.H.(1949) nga Komuna e Vushtrrisë.
Pacientja është hospitalizuar në Klinikën Infektive me datë 05.04.2020, e referuar nga Qendra Emergjente e Spitalit të Vushtrrisë.
Pacientja ka qenë në gjendje të rëndë që nga pranimi në Klinikën Infektive, testi për SARS-CoV- 2 ka rezultuar pozitiv dhe përveç sëmundjes COVID-19 ka pasur edhe sëmundje të tjera shoqëruese.
Kjo është vdekja e njëmbëdhjetë e pacientëve me Covid-19 në Kosovë”, shkruan Ministria e Shëndetësisë në rrjetin social Facebook.
