Në 24 orët e fundit, 333 persona kanë humbur jetën si pasojë e koronavirusit në Itali.
Autoritetet përkatëse bëjnë me dije se numri total i viktimave ka shkuar në 26977.
Ndërkohë raportohet se është zvogëluar ndjeshëm numri i rasteve të reja… me 1739 të prekur.
Deri më tani, në vendin fqinj janë infektuar me COVID-19, 199 414 persona.
Ditën që lamë pas, Italia regjistroi 260 humbje jete, numrin më të ulët të viktimave, që nga mesi i muajit mars.
Kujtojmë se autoritetet italiane kanë lejuar rihapjen e librarive, kancelarive dhe dyqaneve me artikuj të përditshëm, megjithëse disa pronarë ende druhen të rihapin biznesin.
