Sot rreth orës 11:00 nisi kremtimi i Javës së Festës së Pashkëve.
Mirëpo për shkak të situatës së krijuar në vend nga COVID-19, mesha është mbajtur pa praninë e besimtarëve në Katedralen e Shën Palit në Tiranë dhe në Shkodër.
Ndërkohë, Katedralja e Shkodrës ka vendosur disa altoparlantë në mënyrë që të kenë mundësinë sa më shumë besimtarë të dëgjojnë lutjet dhe meshën.
Mesha u udhëhoq nga imzot Engjëll Massafra.
Kujtojmë se si pasojë e koronavirusit, në vendin tonë, deri më tani kanë ndërruar jetë 20 persona, ndërsa janë konfirmuar 361 raste pozitive.
