Presidenti amerikan Donald Trump, edhe pse deri më tani nuk ka rezultuar i infektuar me koronavirus, po përdor një ilaç për malarien, për të lehtësuar simptomat nëse preket nga COVID-19.
Trump deklaroi se po merr hidroksiklorinë dhe një shtesë të zinkut çdo ditë, prej një jave tashmë, dhe se nuk ka pasur asnjë efekt anësor:
“E gjitha që mund t’ju them është se, deri më tani, jam në rregull”.
Mirëpo ende nuk ka prova se ilaçi në fjalë është i sigurt ose efektiv në parandalimin apo trajtimin e COVID-19.
Dy studime të mëdha në New York kanë konstatuar së fundmi se nuk ka asnjë përfitim nga hidroksiklorina.
2 studime të tjera, në Francë dhe Kinë, kanë arritur po ashtu në të njëjtin përfundim.
