Në kuadër të festës së Sulltan Nevruzit, Kryegjyshi Botëror i Bektashinjve Baba Mondi, ka dhënë një mesazh për të gjithë besimtarët bektashinj dhe për çdo shqiptar.
Teksa iu referua situatës së shkaktuar nga koronavirusi në vend, Baba Mondi bëri thirrje që t’i japim forcë dhe shpresë personave të sëmurë dhe t’i japim shpresë mjekëve dhe infermierëve.
“Shpresojmë ta kalojmë sa më lehtë këtë situatë. Çdo humbje jete na trishton shumë. T’i japim forcë dhe shpresë personave të sëmurë. T’i japim shpresë mjekëve dhe infermierëve. Hapni sytë se kjo botë është gënjeshtër. Për herë të parë pas vitesh nuk jemi bashkë. Po në komunizëm nuk ishte e njëjta gjë? Jo!
Nuk ka vend për ligështi, ne do të festojmë. Edhe të ndarë fizikisht do të jemi të bashkuar shpirtërisht sot e mot. Do lutemi që ta kalojmë sa më lehtë. Lutemi që politikanët, se janë njerëz të zakonshëm dhe do të marrin ndëshkim saherë që mendojnë për pasurinë e tyre duke lënë pas nevojat tona.
Kemi një vend të bekuar që na e ka falur Zoti. Motra dhe vëllezër, të festojmë. Sulltan Nevruzi të na largojë këtë të keqe dhe të na fali paqe. Zoti iu bekoftë!”- tha Baba Mondi.
