Covax ka publikuar planin për shpërndarjen e vaksinës kundër koronavirusit nga kompania Pfizer dhe AstraZeneca.
Mësohet se do të ketë 240 milionë doza të AstraZeneca, si dhe 60 milionë të tjera nëpërmjet Gavi.
Këto doza, janë të programuara që të shpërndahen deri më qershor në disa shtete, duke përfshirë edhe vendin tonë.
Sa i përket Shqipërisë, është planifikuar që nga COVAX të përfitojë 141 mijë e 600 doza të vaksinës së AstraZeneca, ndërsa për Kosovën 100 mijë e 800 doza, po të AstraZeneca.
Aleanca COVAX u krijua në prill të viti të kalurar nga Organizata Botërore e Shëndetësisë, dhe në të marrin pjesë 180 shtete, përfshi të gjitha anëtaret e BE-së.
COVAX ka si qëllim të bashkojë kapacitetet financuese dhe prodhuese për të siguruar një sasi sa më të madhe vaksinash për t’i shpërndarë ato mes vendeve anëtare të aleancës.
Dokumenti i plotë me sasinë për çdo shtet të shpërndarjes së vaksinave nga Covax
