Më në fund pak “copëza shprese”!
Së fundmi shkencëtarët në një kompani bio-teknologjike në Kaliforni kanë zbuluar një antitrup që bllokon totalisht COVID-19.
Këtë zbulim ata e kanë cilësuar si “kurë”.
Sorrento Therapeutics e ka selinë në San Diego dhe pretendon se antitrupi STI-1499 ndaloi koronavirusin që të hyjë në qelizat njerëzore gjatë një eksperimenti, shkruan “tvklan”.
Në një konferencë, përfaqësuesit e Sorrento-s deklaruan se mund të prodhojnë deri në 200 000 doza në muaj.
Ky prodhim pritet ta bëjë ilaçin më herët të disponueshëm sesa vaksina e COVID-19.
Kësisoj duket se po shkohet drejt zbulimit të kurës ndaj COVID-19.
Kompania ka aplikuar për të marrë aprovimin në Administratën Amerikane për Ushqimin dhe Ilaçet, por deri më tani nuk e ka marrë “dritën jeshile”.
“Duam të theksojmë se ka një kurë. Është një zgjidhje që punon 100%. Nëse ke antitrupin në organizëm nuk ke nevojë për distancë sociale. Shoqëritë mund të hapen pa frikë”, tha drejtori ekzekutiv i Sorrento-s, Henry Ji.
