Ulja e numrit të të infektuarve, ka shtuar edhe më tej shpresat tek italianët se ndryshimi po afron. Kryeministri Giuseppe Conte ka njoftuar hapjen e Italisë, duke filluar nga data 4 maj. Hapja do realizohet me një plan të diferencuar sipas zonave, nga ato më pak të prekura tek zonat e kuqe.
Më në fund për italianët duket se ka një rreze dielli në fund të tunelit. Lidhur me faktin se si do të procedohet, do të shihet pas një urdhëri që do jepet të dielën. Conte është shprehur se do donte që nesër të ishte kryer hapja e menjëhershme, por ajo duhet të jetë graduale, për të mirën e banorëve.
Ndër të tjera, ai ka deklaruar se ka konstatuar që shumë qytetarë janë të lodhur nga përpjekjet, dhe i duhet një relaksim me lehtësimin e masave.
Conte gjithashtu përmend bizneset dhe akivitetet komerciale, duke premtuar se do i hapë sa më shpejt të jetë e mundur. Në Itali, i cili është edhe vendi më i prekur në Europë, 24.114 persona kanë humbur betejën me virusin.
