Një studim i ri, pretendon se shkencëtarët kinezë krijuan COVID-19 në një laborator të Wuhan. Më pas, ata u përpoqën të mbulonin gjurmët e tyre duke përdorur versione inxhinierike të kundërt të virusit, për ta bërë atë të duket sikur është evoluar natyrshëm nga lakuriqët e natës.
Autorët e studimit, profesori britanik Angus Dalgleish dhe shkencëtari norvegjez Dr. Birger Sørensen, deklaruan se kanë ‘prova të retro-inxhinierisë në Kinë ‘ për një vit, por u injoruan nga akademikët dhe revistat kryesore, shkruan Daily Mail.
Dangelsen njihet për krijimin e vaksinës së parë te HIV, ndërsa Sorensen është drejtues i një kompanie farmaceutike, e cila ka zhvilluar vaksinën e Covid-19, të quajtur Biovacc-19.
Pretendimet tronditëse në studim, përfshijnë akuza për ‘shkatërrim të qëllimshëm, fshehje të të dhënave’ në laboratorët kinezë, dhe vë në dukje heshtjen dhe zhdukjen e shkencëtarëve në vend.
Ndërsa analizuan mostrat e COVID-19 vitin e kaluar në një përpjekje për të krijuar një vaksinë, Dalgleish dhe Sørensen zbuluan ‘shenjat unike të gishtërinjve’ në virus, që ata thonë se mund të kishin lindur vetëm nga manipulimi në një laborator.
Ata thanë se u përpoqën të botonin gjetjet e tyre, por u refuzuan nga revistat kryesore shkencore të cilat në atë kohë ishin të vendosura që virusi u transmetua nga lakuriqët e natës ose kafshët e tjera tek njerëzit.
