Zv.ministrja e Shëndetësisë, Eugena Tomini deklaroi se Covid-19 dhe variantet e tij, do vijojnë të jenë prezentë, dhe do të qarkullojnë si viruse respiratorë. Deklarata e Tominit u bë ditën e sotme në rubrikën ”Opionion” në News24.
Sipas saj, njerëzit tashmë duhet të përshtaten me këtë situatë, teksa shtoi se vaksinimi me të dyja zonat, është tepër i rëndësishëm, në luftën ndaj pandemisë së koronavirusit.
Ndër të tjera, Tomini u shpreh se masat kufizuese në vend, do të rishikohen në varësi të situatës epidemiologjike, edhe pse ende nuk kemi të konfirmuar raste me variatin Delta.
Eugena Tomini: ”Çdo element përkundrejt masave shtrënguese do të varet nga situata epidemiologjike. Në varësi të agresivitetit të Deltës, do të vendosen dhe masat. Deri më tani kemi vetëm parashikime, asgjë nuk është e sigurt. Po ndjekim të njëjtën linjë si të gjitha shtetet e tjera të botës. Unë kam mendimin se Covid-i dhe variantet e tij do të jenë prezentë dhe ka gjasë që të qarkullojnë si viruse respiratorë. Duhet të përshtatemi. Është shumë e rëndësishme që të kemi një vaksinim të plotë me dy doza, pasi me një dozë nuk mjafton. Absolutisht që të gjitha vaksinat na mbrojnë. Një vaksinim i shëndetshëm na mbron nga forma e rëndë, mund të prekemi nga sëmundja, por me simptoma të lehta, duke evituar shtrimin në spital dhe vdekjen. Efektiviteti i vaksinave është i ndryshëm, por të gjitha na mbrojnë.”
