Instituti Kombëtar i Shëndetësisë Publike në Kosovë ka raportuar për 49 raste të reja me koronavirus, pas marrjes së 509 mostrave në 24 orët e fundit.
Ndërkohë, janë regjistruar tri viktima, duke e çuar në 638 numrin total të viktimave.
Autoritetet shëndetësore kanë raportuar për 92 persona që kanë mposhtur virusin, derisa raste aktive janë edhe 1,157.
Prej raportimit të rasteve të para me koronavirus në Kosovë, më 13 mars, IKSHPK-ja ka raportuar për 15,938 të prekur me Covid-19.
