Eksperti i shëndetit publik Erion Dasho ka komentuar situatën me Covid-19 në vendin tonë.
Sipas mjekut, shtretërit në dy spitalet Covid janë ezauruar, ndërsa shtoi se shtimi i shtretërve nuk është zgjidhja për situatën në të cilën ndodhet vendi.
Kjo sipas tij, pasi prurjet do të jenë më të shpejta se sa mundësia për të krijuar shtretër të rinj.
“Nga informacionet që kam unë, nga kolegët që punojnë në Shqipëri, kapaciteti i spitaleve Covid, 1 dhe 2, tashmë është ezauruar. Pra, nuk ka më vend për pacientë të rinj. Në këtë mënyrë është e detyrueshme hapja e spitaleve të tjera. Por, fatkeqësisht kjo është një masë e përkohshme, një masë që nuk e zgjidh problemin. Nëse numrat do të vazhdojnë të rriten me këto ritme, nëse shërbimi ndaj pacientëve nuk do të ofrohet sipas protokolleve, prurjet do të jenë më të shpejta se sa mundësia për të krijuar shtretër të rinj”, tha Dasho për ‘RTV Ora’.
