Deputetja e Partisë Demokratike, Jorida Tabaku, ka reaguar për rritjen e çmimit të bulmetit që prej 1 gushtit. Me një postim në Facebook, Tabaku u shpreh se qeveria aplikon politika të ngjashme si në kohë lufte ashtu dhe në kohë paqeje. Nga kjo javë çmimi i qumështit me yndyrë 3.2% rreth 1.4 litra do të shitet me 190 lekë nga 160 lek që është shitur deri me tani. Kompanitë e përpunimit të qumështit i kanë njoftuar tregtarët e pakicës për rritjen e radhës që më datën 20 korrik. Burimet nga kommpanitë e përpunimit të qumështit pohojnë se, rritja e çmimeve po ndikohet nga mungesa e lëndës së parë në treg. Lidhur me këtë çështje, deputetja thotë se askush nuk mohon ndikimin e luftës, por kjo e fundit mbetet alibi ndërsa qeveria ka mbledhur nga rritja e çmimeve 170 mln euro më shumë në buxhetin e shtetit nga taksat. Sipas deputetes, qeveria aplikon politika të ngjashme si në kohë lufte dhe në kohë paqeje, pasi me taksat e inflacionuara ajo paguan PPP/Koncesione.
Ja se çfarë shkruan Tabaku
Shqiptarët punojnë për oligarkët/qeveritarët
Për shqiptarët çmimi qumështit dhe nënproduktet e tij do të rritet edhe më tej këtë javë. Çmimi qumështit shkon në thuajse 200 lek ndërkohë që priten të rriten nënproduktet e tij.
Arsyeja pas kësaj rritje të dytë lidhet me kostot e larta të produkteve të para.
Dikush mund të argumentojë se lufta në Ukrainë ka rritur çmimet dhe për rrjedhojë kostot e biznesit. Askush nuk mohon ndikimin e luftës.
Por kjo e fundit mbetet alibi derisa qeveria ka mbledhur nga rritja e çmimeve 170 mln euro më shumë në buxhetin e shtetit nga taksat. Ku shkojnë këto të ardhura?!
Në një vend ku 1 ndër 3 shqiptarë nuk e ka të sigurtë vaktin a nuk do ishte një politikë me sens rishpërndarja e të ardhurave që rriten prej inflacionit?! Patjetër që po!
Madje më e logjikshme do të ishte heqja e disa taksave që aplikohen në konsum ashtu që shqiptarët të kenë më shumë në kuletën e tyre. Heqja e taksave do qe zgjedhja dhe zgjidhja!
Fatkeqësisht jo! Qeveria aplikon politika të ngjashme si në kohë lufte dhe në kohë paqe! Pse?! Sepse me taksat e inflacionuara ajo paguan PPP/Koncesione.
Merrni inceneratorin e Tiranës që do të indeksohet me normën e inflacionit. Pra 30% e shqiptarëve mezi paguajnë bukën e tyre kurse inceneratori Tiranës merr milionat shtesë nga arka e shtetit.
A punojnë shqiptarët për oligarkët/qeveritarët që janë kthyer në mish e thua?!
Shifrat thonë që po! Njësoj dhe arka e shtetit! Padyshim dhe xhepi shqiptarëve!
#fiskalizimi2021 #taksat #fiskalizim #shpenzimet #PPP #varferia #Opozita #PD #buxhetifamiljes #tatimet #buxheti2022 #Buxheti #INVESTIMET #tirana #oligarke #Shpenzimet #familja #koncesione #komisionifinancave #shqiperia #ekonomia #llogaridhënie #oligarkia
