Kryeministri Edi Rama ka reaguar menjëherë pas akuzave që lëshoi opozita në drejtim të qeverisë së tij për lirinë e medias në vend. Me anë të një postimi në “Twitter” Rama shprehet se ata që deri dje i rrihnin, shantazhonin dhe digjnin mediat flasin për lirinë e shtypit.
“Ç’komedi e zymtë me djegësit, rrahësit e shantazhuesit e deridjeshëm të gazetave, gazetarëve e mediave që flasin në emër të lirisë së tyre! Po shyqyr ka gjykatës për të gjithë dhe për të gjithë sa bëhen e thuhen, vjen dita e gjykimit ME VOTE? Pa merak vonon po s’harron 2021shi✌️”, shkruan Rama.
Ç'komedi e zymtë me djegësit,rrahësit e shantazhuesit e deridjeshëm të gazetave, gazetarëve e mediave që flasin në emër të lirisë së tyre! Po shyqyr ka gjykatës për të gjithë dhe për të gjithë sa bëhen e thuhen,vjen dita e gjykimit ME VOTE😁 Pa merak vonon po s'harron 2021shi✌️
— Edi Rama (@ediramaal) May 3, 2019
Kujtojmë se kreu i PD-së Lulzim Basha tha sot se gazetarët shqiptarë janë më pak të lirë, më të pasigurt e të censuruar dhe me më pak të drejta sociale dhe ekonomike. Sipas tij, gjendja e përkeqësuar e lirisë së medias gjatë qeverisjes së Edi Ramës reflekton gjendjen e vërtetë të demokracisë në Shqipëri.
