Kryeministri Edi Rama ka bërë një sqarim në Facebook lidhur me bizneset që mund të hapen nesër.
Rama lajmëron qytetarët se bizneset e lejuara, në bazë të urdhërit të Ministres së Shëndetësisë për javën e ardhshme (20-26 prill), janë të publikuara në portalin e-albania, së bashku me protokollet përkatëse të sigurisë shëndetësore.
Hapja e çdo aktiviteti tjetër jashtë asaj liste të miratuar është e kundërligjshme, njofton kreu i qeverisë.
“E-albania do të ketë gati nga sot në mbrëmje edhe lejen për ushtrim aktiviteti në bazë të listës së miratuar, të cilën çdo biznes duhet ta disponojë nga e marta e tutje për ushtrimin e veprimtarisë së vet”, shkruan më tej kryeministri.
Postimi i plotë i Ramës: “Kujdes!
? Konstatojmë se ka dyqane joushqimore që lajmërojnë hapje për nesër! Hap i nxituar në kundërshtim me ligjin çdo hapje e pamiratuar nga Ministria e Shëndetësisë!
? Bizneset e lejuara, në bazë të urdhërit të Ministres së Shëndetësisë për javën e ardhshme (20-26 prill), janë të publikuara në portalin e-albania, së bashku me protokollet përkatëse të sigurisë shëndetësore.
? Hapja e çdo aktiviteti tjetër jashtë asaj liste të miratuar është e kundërligjshme.
E-albania do të ketë gati nga sot në mbrëmje edhe lejen për ushtrim aktiviteti në bazë të listës së miratuar, të cilën çdo biznes duhet ta disponojë nga e marta e tutje për ushtrimin e veprimtarisë së vet.
? Ju lutem verifikoni në faqen e e-albania nëse biznesi juaj mund të hapet nesër?
*Duke parë ecurinë e përballjes me armikun e padukshëm, do të vendoset dhe lajmërohet në ditët në vijim hapja e mundshme e një blloku tjetër biznesesh gjatë javës së mëpastajme (27 prill – 3 maj)”.
