Një çift iranian është dënuar në mungesë me 16 vite burg të kombinuar dhe 74 fshikullime nga sistemi i Gjykatës Revolucionare të vendit.
Ish-boksieri, Ahmad Moin-Shirazi dhe gruaja e tij Shabnam Shahrokhi u dënuan nën akuzat për “propagandë kundër regjimit”, duke postuar përmbajtje “të turpshme dhe vulgare” dhe “përhapje të korrupsionit moral”.
Arsyeja pse ata u dënuan është sepse gruaja u shfaq pa xhihab në një foto familjare të publikuar nga çifti në rrjetet sociale.
Për këtë arsye, një gjykatë iraniane i ka shpallur të dy fajtorë për “veprat anti-islamike përhapje të dekadencës morale dhe të prostitucionit”.
https://www.instagram.com/p/B9t27UohLPO/?utm_source=ig_web_copy_link
Ish-boksieri u dënua me nëntë vjet burg, ndërsa gruaja e tij u dënua me shtatë vjet, 74 fshikullime dhe tre muaj punë pa pagesë.
Çifti e kuptoi që ata ishin në shënjestër të Gjykatës Revolucionare disa kohë më parë, me Ministrinë e Inteligjencës së Iranit që i thërriste në disa raste dhe i merrte në pyetje për orë të tëra. Gjatë këtyre takimeve, hetuesit thuhet se i thanë Moin-Shirazi që të ndalonte postimet që binin ndesh me politikat të Iranit, si dhe fotografitë e gruas së tij pa shaminë.
Pas kësaj, çifti mori dy fëmijët e tyre dhe ikën nga vendi dhe tani ndodhen në Turqi.
