Mançester Siti ka fituar aktin e parë në gjysmëfinalen e Ligës së Kampioneve, teksa ka mposhtur me përmbysje në transfertë PSG-në, me rezultatin 2-1.
Anglezët arritën një rezultat tejet pozitiv, për ndeshjen e kthimit në Angli, ku do të vendoset edhe skuadra që kalon në finalen e këtij kompeticioni.
Francezët kaluan të parët në avantazh, teksa në minutën e 16-të, Markinjos shfrytëzon në maksimum një top nga goditja e këndit, për të gjuajtur bukur me kokë dhe e ndali topin në rrjetë.
Me këtë rezultat u mbyll pjesa e parëm, ndoënese francezët kishin disa raste të tjera shënimi, por nuk ia dolën t’i konkretizonin. Në pjesën e dytë, skuadra e Guardiolës, përmbysi gjithçka duke shënuar dy herë brenda 7 minutave.
Fillimisht ishte De Bryjne që barazoi me një gol të çuditshëm nga distanca në minutën e 64-t, ndërsa në minutën e 71, Mahrez me një supergol nga goditja e dënimit, përmbysi gjithçka.
