PSG kualifikohet më tej në ‘Champions League’ me një ecuri fantastike.
Deri më tani PSG numëron katër fitore në 4 ndeshje, 12 pikë në total, 10 gola të shënuar dhe asnjë të pësuar.
Ndeshja e fundit e PSG ishte kundër Club Brugge, të cilën e mundi me rezultatin 1-0. Autori i golit ishte Mauro Icardi, por nuk mbetet pas edhe performanca e portierit, Keylor Navas. I cili priti një penallti në minutën ’76.
Por pavarësisht gjithë këtyre, drejtuesit e klubit të PSG, duhet t’i japin zgjidhje çështjes Icardi. Argjentinasi i cili po bën gjithçka është e mundur që skuadra të shfrytëzojë të drejtën për ti blerë kartonin.
“Jam shumë i lumtur, është e qartë se Icardi po bën gjithçka për të qëndruar. Rruga është ende shumë e gjatë si për Icardin ashtu edhe për ne, të shohim”, theksoi drejtori sportiv i klubit, Leonardo.
Kujtojmë se vetëm një ditë më parë, Mauro Icardi e shprehu hapur dëshirën për të qëndruar në Paris.
