Kreu i grupit parlamentar të PS-së, Taulant Balla ka reaguar për protestën e opozitës, në një postim në Twitter.
Ky postim duket se u është drejtuar ndërkombëtarëve, teksa është shkruar në gjuhën angleze, ku Balla akuzon se protesta në Shqipëri ndodh në të njëjtën kohë me ato në Beograd e Mal të Zi. Më tej, deputeti akuzon se protestën e drejtojnë politikanë të korruptuar që duan të dëmtojnë hapjen e negociatave për anëtarësim të Shqipërisë në BE.
“Çfarë koincidence sot? Në të njëjtën orë 18:00 protestat u organizuan në Tiranë, Beograd dhe Mal të Zi (disa qytete). Në Shqipëri është e qartë që protestat janë organizuar nga disa politikanë të korruptuar kundër Reformës në Drejtësi, duke u përpjekur që të dëmtojnë hapjen e negociatave për anëtarësim të Shqipërisë në BE”, shkruan Balla në Twitter.
What a coincidence today?? At same hour 18.00 protests were organized in Tirana,Belgrade&Montenegro(some towns). In Albania it’s clear protests are organized by some corrupt politicians against the Justice Reform, trying to harm Albania’s EU membership negotiations opening. pic.twitter.com/y5fxKcqBHg
— Taulant Balla (@taulantballa) April 13, 2019
