Në një bashkëbisedim me banorën e Manzës në Bashkinë e Durrësit, kryedemokrati Basha tha se Xhafaj u largua i shkatërruar. Ai u shpreh se tentativat e dështuara të tij për të shpëtuar vëllanë e dënuar për drogë, dhanë këtë rezultat.
Basha deklaroi para banorëve se ish-Ministri i Brendshëm u largua nga frika e përballjes me përgjegjësinë e hetimit ndaj vartësve të tij, drejtorit të Përgjithshëm Ardi Veliu dhe njerëzit e tjerë që janë të përfshirë në manipuliminin e dosjes së ministrit.
“Xhafaj kishte frikë se si të shpëtonte vëllain e dënuar për drogë. Ai u largua i shkatërruar. Kjo është një arsye pse u largua. Xhafaj u largua nga frika e përballjes me përgjegjësin e hetimit ndaj vartësve të tij, drejtorit të Përgjithshëm Ardi Veliu dhe njerëzit e tjerë që janë të përfshirë në manipulimin e dosjes së ministrit.
Dosja e tij u bë publike falë qëndresës së opozitës”, tha Basha.
Ai ka hedhur edhe shashkën e radhës, ku tha se Xhafaj nuk pati guximin të arrestonte kryebashkiakun e Durrësit, Vangjush Dakon.
