Përflitet se janë disa arsye të cilat kanë çuar në largimin e Meghan Markle dhe Princ Harry-t nga familja mbretërore.
“Times” shkruan se një foto e Mbretëreshës dhe tre monarkëve të ardhshëm e ka mërzitur Princin Harry dhe Meghan-in.
Pikërisht ajo foto ka ndikuar në marrjen e vendimit për t’u tërhequr nga detyrat e tyre si Dukë dhe Dukeshë të Sussex-it, sipas një raporti.
Gazeta gjithashtu shkruan se fotografia e cilësuar si “linja e suksesit” e publikuar pesë ditë më parë – që paraqet Princin Charles, Princin William dhe Princin George me Mbretëreshën – e ka mërzitur Dukën dhe Dukeshën e Sussex, të cilët e panë atë si një shenjë që janë përjashtuar nga familja mbretërore.
https://www.instagram.com/p/B636hFwHEyc/?utm_source=ig_embed
Vendimi i tyre për t’u larguar nga detyrat mbretërore dhe për t’u bërë të pavarur financiarisht, ishte shkaktuar edhe pjesërisht nga mesazhi i Krishtlindjes së Mbretëreshës, që nuk përmbante asnjë foto të çiftit në tryezën e saj.
https://www.instagram.com/p/B6gBLWwHPBi/?utm_source=ig_embed
“Vendimi i tyre për t’u larguar nga detyrat mbretërore u shkaktua, pjesërisht, nga këto sinjale”, raporton gazeta.
