Kryeministri Rama ka njoftuar gjatë mesditës së sotme, në komunikimin LIVE në rrjetin social Facebook, se nga nesër fillon lëvrimi i bonusit.
Rama shpreson që deri në javën e parë të majit, bonuset që janë 400 mijë lekë për person, të shkojnë të gjitha në llogaritë bankare përkatëse.
“Nga nesër mbaron edhe derdhja e pagës së parë pas shumë verifikime, ndaj muajt e tjerë nuk do të ketë vonesa. Gjithashtu nga nesër nis lëvrimi edhe i pagesës prej 400 mijë lekë për 176 mijë përfituesë”.
Kreu i qeverisë ka njoftuar se nga java e ardhshme do veprojë Task-Forca “Anti-Covid”.
“Brenda javës do ketë një Task-Forcë “Anti-Covid” me bërthamë në kryeministri, pastaj nëpër bashki dhe grupe në territor që do ndjekin se si ndiqen protokollet nga bizneset.
Ka tre protokolle: jeshil pra rrezik i ulët, i verdhë pra rrezik mesatar, dhe i kuq me rrezik të lartë. Te këta të fundit do ketë një bluzë të bardhë që do ndjekin në kohë reale procesin.
Që të mos ketë kështu asnjë pronar që nuk zbaton standartet e sigurisë, dhe mos të ketë punonjës që të jenë të painformuar se si të mbrohen vetë dhe të tjerët. Kjo do jetë punë e Task-Forcës “Anti-Covid” që do fillojë nga java e ardhshme”, tha Rama.
