Çështja Tahiri duket se ka ndikuar edhe mbi imazhin që qytetarët kanë për Ramën. Më të pasigurt se kurrë dhe të frikësuar nga tema më e “nxehtë” e momentit lidhur me implikimin e Tahirit në trafikun e drogës, qytetarët kanë “shpërthyer” me komente në faqen e Ramës.
Megjithatë, kryeministri është kujdesur që t’u përgjigjet personalisht disa prej komentuesve, të cilëve u thotë se e vërteta do dalë.
“E frikshme gjithçka dëgjojmë”, shkruan një komentuese, ndërsa Rama mbron Tahirin teksa lë të kuptohet se “asgjë nuk është siç duket dhe se e vërteta do dalë shumë shpejt”.
“Mos ki frikë, e vërteta është shumë e fortë edhe kur duket sikur balta është bërë sheqer prej vërteti”, ia kthen Rama.
Një tjetër komentues shkruan se të shkarkuarit në Drejtorinë e Policisë së Elbasanit janë vetëm viktima, ndërsa shton se “përgjegjës jeni ju të gjithë të ngatërruar me njerëzit që po i japin një imazh të shëmtuar Shqipërisë tonë”.
“Ti Zani më merr të keqen mua, se po të ishim të tërë njësoj në këtë luftë që kemi hapur ne ka katër vjet, do e kishin hapur tjerët që sot bërtasin si hajduti që thërret kapiteni hajdutin!…”, shkruan Rama.
REPLIKA TË TJERA:
