Opinionisti Fatos Lubonja ka folur për pikat e ndjeshme të diskutimeve mes Greqisë dhe Shqipërisë, që sipas tij, janë zhvilluar në kushte aspak me transparencë.
Sipas Lubonjës, kjo qasje e ndjekur në këto diskutime tregon që Shqipëria po humb shumë nga vetja e saj, ndërsa kjo është një përgjegjësi e politikës shqiptare prej vitesh. Ai tha se Rama ka treguar se di të mashtrojë me politikat e tij, por diskutimi apo çeshtja më e ndjeshme është ajo e detit, pasi një zgjerim me 12 milje i Greqisë në ujëra tregon se Shqipëria po humbet shumë.
Lubonja në News 24 shkon më tej kur thotë se ne diskutimet nuk i marrim vesh nga ministri ynë, por i dëgjojmë nga pala greke dhe natyrisht kjo është një tradhti nga politika shqiptare. Diskutimet mes Greqisë dhe Shqipërisë duhet të përfshiheshin nga një komision me ekspertë ndërkombëtar, pasi kjo largon sulmet për një tradhti kombëtare.
Për Lubonjën, Rama po “shet” Çamërinë dhe detin, si këmbim të çeljes së negociatave, por Shqipëria po humb shumë nga rruga evropiane, ndërsa e cilëson si një horizont me propagandë të dyanshme bisedimet mes Shqipërisë dhe Greqisë, por natyrisht kjo e iniciuar edhe nga pala evropiane.
Pjesë nga fjala e Lubonjës
Dy gjëra kemi thënë, mungesa e transparencës dhe çështja e detit që është me e rëndësishmja. Rama gjithmonë është mashtrues me politikat e tij. Atëherë është bërë një zhurmë e madhe për tradhti kombëtare nga Rama dhe opozita. Nëse duhet të ishte serioze, kjo duhet të diskutohet nga ekspertë ndërkombëtar dhe të merrej një vendim. Këtu vijon politika e mashtrimit, ministri nuk flet. Ndërsa del greku dhe na e thotë. Kjo është një strategji e Edi Ramës.
Ky është një kusht nga Greqia për 12 milje?
Shqiptarët dëgjuan shumë zhurmë, sa ishte marrëveshja e Berishës, 12 apo 20, ata nuk na i tregojnë shifrat. Kjo zgjidhet me ekspertë ndërkombëtarë, dhe kjo nuk mund të thotë se bëra një tradhti, sepse kjo është transparenca.
Ajo që i djeg më shumë Ramës është çështja e detit. Mendoj se ajo deklarata e Ramës me përdorim jo të politikanit, me figura letrare ishte qartësisht për të hedhur tym mbi këtë çështje. Bushati të dalë dhe të thotë se çfarë ndodhi, kjo është një kulturë politike që e përgënjeshtron nesër atë që thua sot. Ne po humbi Shqipërinë me këta politikanë. Ditmir Bushati mund të thoshte se çështja çame u hodh në tavolinë, por duhet të thënë se si është gjendja, pra mund të thoshte se ne e hodhëm, por ata se pranuan.
Nuk besoj se do të ndërrohen kufijtë në ballkan pa u bërë një katrahurë e madhe. Se ku mund të hapet çështja came, pra të drejtat e njeriut, se cilat janë prekur. Kjo zhurmë e madhe që e çon Shqipërinë me bashkimin e Çamërisë, në popull janë më të ndjeshme në popull. Prapa mendimit qëndrojnë disa interesa të përkundërta, Rama me BE, ndërsa Greqia ka të vetat. Rama mund të “shesë” detin dhe Çamërinë. Grekët janë më të avantazhuar, por Rama do të mburret me shitje të tilla. Grekët kanë edhe çështjen e teksteve, siç na shqetëson be Vorio-Epiri. Besoj se kjo do të riparohen me racionalitet.
Interesi ynë është që Shqipëria të bëhet sa më shumë evropiane, por fatkeqësisht po ndodh e kundërta, po humb shumë nga vlerat e saj. Hapja e negociatave dhe horizonti BE po na duket si horizonti i komunizmit, në këtë lojë janë edhe aktorët evropianë. Këtu kemi të bëjmë me një propagandë të dyanshme.
