Parlamenti Evropian është mbledhur për të diskutuar në lidhje me hapjen e negociatave për Shqipërinë dhe Maqedoninë e Veriut në BE. Me anë të një postimi në Twitter, Raportuesja e Shqipërisë për në PE, Isabel Santos, shprehet se ky është një moment i rëndësishëm për Shqipërinë.
Ajo citon se rruga për anëtarësimin e Shqipërisë në familjen Evropiane, duhet të kalojë përmes progresit të bërë deri më tani.
“Moment i rëndësishëm për Shqipërinë. Rruga e anëtarësimit duhet të pasqyrojë progresin e bërë nga vendi. Këshilli Evropian për Çështjet e Përgjithshme duhet të caktojë një datë për mbajtjen e Konferencës së Parë Ndërqeveritare. Besimi i popullit shqiptar ndaj Bashkimit Evropian e meriton këtë gjë”.
