Bashkëkryesuesi i Këshillit Evropian për Marrëdhëniet me Jashtë, Carl Bildt, shprehet se nëse akuzat për Thaçin konfirmohen, ai mund të arrestohet.
Përmes një postimi në Twitter, Bildt tha se: “Nëse akuzat që janë bërë tani publike konfirmohen, atëherë ai praktikisht përballet me arrestimin, dhe do të shkojë në Hagë ku do të përballet me një proces gjyqësor të gjatë e të komplikuar, ku mbrojtja e dëshmitarëve do të jetë një problem. Do të zgjasë me vite. Dhe kjo padyshim do të shkaktojë pështjellim të madh në politikën e Kosovës”.
Thaçi vetë, nga Tirana ku ndaloi shkurtimisht tha se opinionit publik do t’i drejtohet të dielën. Ai ka qenë jashtë Kosovës dhe e ndërpreu udhëtimin drejt Shteteve të Bashkuara pasi Zyra e Prokurorit Special në Hagë paraqiti të mërkurën kundër tij aktakuzën për krime lufte.
Analistët thanë se situata e re ka vënë në pikëpyetje rifillimin e bisedimeve ndërmjet Kosovës dhe Serbisë.
