Arrestimi i opozitarit të njohur rus Aleksei Navalni, ka risjellë në qendër të vëmendjes një nga skandalet për të cilat akuzohet presidenti rus Vladimir Putin. Cape Idokopas, një pallat super-luksoz buzë Detit të Zi, me koston marramendëse 1.35 miliardë dollarë.
Akuzat mbi të kanë qarkulluar që në vitin 2010. Skandali u denoncua nga biznesmeni Sergei Kolesnikov, dikur një mik i Putinit. Madje ai i dërgoi një letër të hapur presidentit të atëhershëm Dimitri Medvedev, duke denoncuar abuzimin me emrat konkretë.
Kolesnikov pretendonte ndër të tjera se pallati ishte ndërtuar nga kompania e miliarderit Aleskandër Ponomarenko, por
duke përdorur kryesisht fonde shtetërore. Resorti nisi të ndërtohej në vitin 2005, me stilin e arkitekturës italiane të Rilindjes. Ai përmban dhjetëra mijëra metra katrorë kazino, teatër dimëror, amfiteatër veror, një Kishë Ortodokse, pishina, terrene sportive, helikopterë, parqe të rregulluara, shtëpi çaji, apartamente për personelin etj.
Thuhet se Putini zotëron gjithsej 20 pallate luksoze, pak e shumë të ngjashëm me Cape Idokopas.
TIRANA TODAY
