Cameron Diaz në një Instagram Live me shoqen e saj Katherine Power (CEO e Who What Wear ) folën per faktin se sa i pëlqen jeta e saj si nënë.
Aktorja 47-vjeçare dhe bashkëshorti i saj Benji Madden, rroker i Good Charlotte, u bënë prindër të Raddix dhjetorin e kaluar.
“Unë jam shumë mirënjohëse dhe aq e lumtur dhe është gjëja më e mirë qe me ka ndodhur ndonjëherë dhe kam shume fat që po e bëj me Benj. Nuk mund ta besoj ,” ishin fjalët e Cameron.
Aktorja shtoi për burrin e saj, duke thene se e konsideronte veten me fat, duke e quajtur atë “një baba të jashtëzakonshëm”. Rrokeri e ndihmon shumë me vajzën e vogël ne menyrë qe ajo të çlodhet.
Ajo më pas tregoi se si i kalon ditët si nënë në karantinë: “Unë laj, gatuaj (gjatë natës), pastroj”. Por te gjitha keto nuk i rendojne! Benji e ndihmon, e vë vajzën në shtrat dhe ajo çlodhet me gotën e saj të bukur të verës, shikon një shfaqje në TV dhe gatuan.
Ylli i ‘Bad Teacher’ pranoi se masat e vendosura për të ngadalësuar përhapjen e koronavirusit nuk kanë ndikuar shumë sepse ajo “jeton një jetë karantine” që nga lindja e vajzës. E vetmja gjë që i mungon janë miqtë e saj.
