UEFA ka gati planin për se cilat mund të jenë datat, në të cilat do të zhvillohen ndeshjet e mbetura të ‘Champions League’.
Parashikohet se mes datave 11 dhe 15 gusht do të zhvillohet çerekfinalet e kampionatit. Kështu do të vijohet çdo javë deri në finalen e madhe që pritet të zhvillohet në 29 gusht, kur do të mbyllet edhe edicioni i Kupave të Evropës.
Presidenti i Federatës Turke të Futbollit, Nihat Ozdemir, ka konfirmuar se finalja do të luhet në Stamboll. Gjithashtu ai bëri me dije se kampionati turk do të rinisë më 12 qershor.
Ndeshjet e ‘Champions League’ do të jenë teke dhe me eliminim direkt, ndërsa vetëm në këtë mënyrë, UEFA mund të përgatisë normalisht sezonin e ardhshëm.
UEFA njoftoi se ka nisur edhe procedurat për rimbursimin e biletave të Euro 2020, gjë e cila është shtyrë për verën e vitit të ardhshëm.
