Drejtori i Përgjithshëm i Policisë së Shtetit Haki Çako, në një takim me Shefin e Misionit të Vëzhgimit të Zgjedhjeve në Shqipëri Peter Tejle, e njohu këtë të fundit me sulmet politike, sipas tij, tërësisht të pabaza në adresë të tij dhe të Policisë së Shtetit.
Tejler nga ana e tij ka siguruar Çakon se misioni është tërësisht i pavarur nga prezenca e OSCE-së, është i paanshëm dhe i hapur për çdo informacion nga të gjithë faktorët dhe aktorët në zgjedhje.
Ai tha se “ne dëgjojmë dhe grumbullojmë çdo informacion por sigurisht që çdo informacion do trajtohet dhe do verifikohet nga ana jonë për vërtetësinë e tij”.
Shefin e Misionit të Vëzhgimit të Zgjedhjeve në Shqipëri Peter Tejler, shoqërohej në këtë takim nga Zëvendës Shefi i Misionit Polyna Lemos dhe Eksperti i Sigurisë Laszlo Belagyi.
Gjatë takimit ata u njohën edhe me masat e Policisë së Shtetit për menaxhimin e procesit zgjedhor. Çako ka theksuar se janë trajnuar të gjithë punonjësit e Policisë që janë të ngarkuar me detyra gjatë procesit zgjedhor.
