AbcNews, javët e fundit ka bërë ndryshime të mëdha. Në të do të shfaqen figura të njohura që kanë pasur peshë të rëndësishme në televizionet rivale. Një ndër figurat kryesore të ekranit, gazetarja e njohur Juli Xhokaxhi, është larguar nga televizioni krejt papritur.
Lajmin e ka bërë me dije vetë gazetarja përmes një postimi në rrjetet sociale, ku shkruan se emisioni “Byro Politike” që ishte nën drejtimin e saj, nuk do të transmetohet më.
Siç duket, as asaj nuk ia kanë dhënë një argument pse u mbyll emisioni në fjalë, duke nënkuptuar se largimi i saj ka qenë i papritur.
