Përfaqësuesi i PD në tryezën e Këshillit Politik për Reformën Zgjedhore, Oerd Bylykbashi, ka thënë se opozita ka arritur synimet që kishte, identifikimin biometrik dhe financimin e partive.
Në deklaratën për media, ai zbuloi se kanë diskutuar për të gjetur të gjitha garancitë e kërkuara. Lidhur me shqetësimin për vjedhjen e votave, ai tha se tashmë kutitë do jenë të mbrojtura nga votat fallco. Kushdo që do votojë më shumë se një herë, do të identifikohet dhe do ndërshkohet.
“Sot në mbledhjen e Këshillit Politik, diskutuam për identifikim biometrik, e cila është çështja kryesore, e asistuar nga partnerët ndërkombëtar, si dhe financimin e partive politike.
Sot diskutuam për të gjetur të gjitha garancitë. Identifikimi do jetë në të gjitha qendrat e votimit në Shqipëri. Kutitë do jenë të mbrojtur nga votat fallco. Kushdo që do guxojë të votojë më shumë se një herë, do të identifikohet dhe do ndërshkohet.
Për financimin e partive, në ramë dakord sot për paketën e financimit të tyre. Në këto ndryshime kemi rënë dakord të ketë një reduktim drastik të financimit privat dhe reduktim të shpenzimeve.
Në kuadër të atij objektivi që kishim, arritëm dhe këtë synim që kishin, për të ulur financimin privat”, u shpreh Bylykbashi.
