Analisti Andi Bushati tha sot se aleanca mes PD-së me LSI-në do të shkatërronte Partinë Demokratike. I ftuar në rubrikën “Opinion” në “News 24” Bushati shpjegoi se kjo aleancë e këtyre dy partive opozitare është e pazakonte dhe absurde për situatën ku ndodhemi. Bushati u shpreh se është pro deklaratës së Sali Berishës për djegien e mandateve. Bushati tha se djegia e mandateve i leverdis Partisë Demokratike që Basha të rregullojë gabimet që bëri me zgjedhjet e 25 qershorit për të afruar të pa kënaqurit në PD dhe për të shuar përçarjen.
“Alenaca mes PD-së dhe LSI-së është e pa zakonte dhe absurde. Aleanca e PD-së me LSI-në do të shkatërronte Partinë Demokratike. Do dukej absurde pavaërsisht se si do justifikoheshin ata. Në verbin e tyre politik nuk kanë asgjë të përbashkët. Bashkëqeverisje do bënin për të ndarë karriget e pushtetit. Do ishte shkatërrim për PD.
Unë nuk jam shumë pro për protesta ashtu si ka premtuar Lulzim Basha. Unë jam më tepër pro me kërkesën e Berishës për djegien e mandateve. Ky propozim i Berishës i leverdis Bashës sepse i jep mundësi që të rregullojë gabimet që bëri me zgjedhjet e 25 qershorit“, tha Bushati.
Gjithashtu, Bushati tha se do të ishte e tepërt për partinë Demokratike që të marrë përgjegjësinë për protestat.
Duhet theksuar se që në shtator filluan flirtet e para mes PD-së dhe LSI-së. Bashkëpunimi më i madh i deri tanishëm për këtë vit është protesta në votimin e kryeprokurores në Parlament. Deputetët e PD dhe LSI protestuan së bashku brenda kuvendit. Gjithashtu militantët e të dyja forcave politike protestuan së bashku jashtë Kuvendit.
