Shkarkohet nga detyra gjyqtarja e Apelit të Korcës, Brunilda Malo.
Malo shfaqi probleme me kriterin e pasurisë. Ajo kërkoi për riçelje të hetimit për dy kriteret e tjera, por kërkesa iu rrëzua. Trupa gjykuese e drejtuar nga Xhensila Pine, me relatore Valbona Sanxhaktari dhe anëtar Roland Ilia , rrëzuan të gjitha provat e dorëzuara nga gjyqtarja.
Brunilda Malo e ka nisur karrierën në sistemin shqiptar të drejtësisë në vitin 1995 si gjyqtare në Kolonjë. Në vitin 2003, ajo është emëruar gjyqtare në Gjykatën e Apelit të Korçës dhe vazhdon ta kryejë këtë funksion prej 16 vitesh.
Faxweb raporton se ILDKPKI konstatoi deklarime të pasakta rreth Brunilda Malos, gjë që çoi në nisjen e hetimit për gjyqtaren. ILDKPKI konstatoi mungesë dokumentacioni për aktivitetin privat të bashkëshortit si dhe mungesë burimesh të ligjshme për disa prej pasurive
Aktiviteti privat i bashkëshortit Arben Malo, zuri një pjesë të rëndësishme të hetimit të KPK-së. Sipas trupës gjykuese, fitimet e realizuara si administrator dhe aksioner i kompanisë “D&G Construction” nuk janë të dokumentuara. Si dhe nuk rezulton të jenë paguar tatimet mbi dividentin.
Ish-bashkëshorti i saj njëkohësisht ish-kryebashkiaku i Kolonjës, ndërroi jetë në vitin 2016.
