Vendimi për mbylljen e pikave të basteve ka shqetësuar jo vetëm pronarët e bizneseve, por edhe klientët e tyre. Që prej së martës, kryeministri Rama ka lëshuar paralajmërime në mediat sociale. Edhe një ditë me parë me atë të një shënimi në “Facebook”, Rama shkruante:
“Tatimet do të mbyllin dhe referojnë në prokurori, çdo pikë bastesh si kjo që është kapur sot pa letrat në rregull! Dhe në 1 janar kjo do të jetë pamja e çdo bastoreje e kumarhaneje që s’do ketë ndërruar destinacion?”.
Por të shumtë kanë qenë qytetarët që i kanë shkruar kreut të qeverisë në “Facebook”. Disa e shikojnë me skepticizëm këtë vendim. Të tjerë e përkrahin por ka edhe shumë të tjerë që e kundërshtojnë. Vetë Rama u është përgjigjur disa prej komenteve të qytetarëve. Më poshtë lexoni reagimet e Ramës ndaj komenteve të qytetarëve.
