Prokuroria i është drejtuar Gjykatës së Lartë me rekurs, duke kërkuar prishjen e vendimit të Gjykatës së Apelit për Krime të Rënda për Dritan Dajtin, i cili u dënua me 25 vjet burg nga Shkalla e Dytë, duke i ulur dënimin. Organi i akuzës nuk u dakordësua, duke kërkuar dënimin e tij me burgim të përjetshëm dhe mospranimin e kërkesës për gjykim të shkurtuar.
Kujtojmë se Gjykata e Shkallës së Parë, e dënoi Dajtin me burgim të përjetshëm, për vrasjen e 4 policëve në 2009-ën.
Gjithashtu, Shkalla e Parë, nuk i pranoi Dajtit as kërkesën për gjykim të shkurtuar.
Prokuroria ka ankimuar vendimin e Gjykatës së Apelit për Krime të Rënda, si një vendim i pabazuar.
