Kryeministri, Edi Rama ka reaguar pas propozimit të Ministrisë së Drejtësisë për ndëshkimin me burg ose gjobë, të atyre që bëjnë meme.
Rama shprehet se nuk ka asnjë shans që të dënohen memet me Kod Penal.
”Shih shih qenkan revoltuar ca analistë se do u dënokan memet me Kod Penal, duke u nisur nga s’di ç’material jozyrtar! Po si mund të ndalohen memet me ligj na e thonë dot këta orakuj të kombit? Asnjë shans s’ka, ku ta gjenim që dhe këta të merreshin me meme që të vlenin për diçka!”, shkruan Rama në rrjetin social, Twitter.
Shih shih qenkan revoltuar ca analistë se do u dënokan memet me Kod Penal, duke u nisur nga s’di ç’material jozyrtar! Po si mund të ndalohen memet me ligj na e thonë dot këta orakuj të kombit? Asnjë shans s’ka, ku ta gjenim që dhe këta të merreshin me meme që të vlenin për diçka!
— Edi Rama (@ediramaal) December 3, 2020
Ndërkohë, më herët Ministrja e Drejtësisë, Etilda Gjonaj, propozoi ndryshime në Kodin Penal, për kriminalizimin dhe dënimin e shpifjes. Propozimet përmbajnë parashikime për gjoba dhe burgim, për personat që kryejnë fotomontazhe pa leje.
Kjo kategori, përfshin edhe “memet” e famshme të rrjeteve sociale. Në draft parashikohet se ndjekja penale fillon me ankim të viktimës ose përfaqësuesit ligjor të tij.
