Pedofilia është një nga plagët sociale më shqetësuese të shoqërive moderne. Një gjermane 48-vjeçare, u dënua pak ditë më parë nga gjykata me 12 vjet e gjysmë burg. Për shitjen e djalit të saj 9-vjeçar tek rrjetet e pedofilëve, në bashkëpunim me partnerin e saj 39-vjeçar.
Në Kazakistan, qeveria ka porositur blerjen e mbi 2000 dozave për tredhjen kimike të burrave të ndaluar për akte pedofilie apo përdhunime, që kanë pësuar një rritje të frikshme vitet e fundit. Pavarësisht shqetësimeve të shprehura nga disa organizata të drejtave të njeriut, tredhja kimike, ose nxjerrja jashtë funksionit e organit gjenital mashkullor për akte seksuale, po praktikohet nga gjithnjë e më shumë vende.
Deri më sot, ajo po zbatohet në 8 shtete të SHBA-së, Kaliforni, Florida, Xhorxhia, Luiziana, Montana, Oregon, Teksas dhe Uiskonsin. Ndërkohë, kjo procedurë ndiqet edhe në Argjentinë, Australi, Republikën Çeke, Danimarkë, Estoni, Indi, Izrael, Moldavia, Zelandën e Re, Poloni, Kore e Jugut, Spanjë, Suedia dhe Rusia. Edhe në Iran dhe Arabinë Saudite, ligjet e Sheriatit kërkojnë për këtë krim ekzekutim me vdekje, tredhje ose skllavërim.
Debati mbi qëndrimin ndaj pedofilëve dhe përdhunuesve, është hapur edhe në Italinë fqinje, ku ish-ministri i Brendshëm Mateo Salvini, ka qenë në favor. Në Shqipëri nuk janë të rralla skandalet e pedofilisë, apo krimet e përdhunimeve. Megjithatë çështja e tredhjes kimike, apo kastrimit në gjuhën shkencore, nuk është prekur fare.
Si mendoni, a mjafton vetëm burgu për një pedofil apo përdhunues? Apo duhet të paguajë për atë që ka bërë, edhe përmes kësaj praktike?/ TIRANA TODAY
