Regjisori i njohur, Robert Budina i pranishëm në protestë, deklaroi në “ABC” se rezistenca kundër qeverisë duhet të vazhdojë.
Ai u shpreh se kryeministri Edi Rama reagoi me një gjuhë urrejtje dhe se po e përdor policinë. Budina tha se gjatë protestave në momentin kur u shemb Teatri Kombëtar, kuptoi se forcat e policisë mund të të vrasin.
“Kjo situatë e ka fillesën te mënyra si reagoi kryeministri me një gjuhë urrejtje duke na e shitur si një veprim demokratik dhe nga krahu tjetër nxjerr policinë, është një gjuhë urrejtje denigruese si e përdor policinë, si e bëri repartin “Shqiponja” politik. Aty (te teatri) kam nuhatur se këta njerëz mund të të vrasin. Duhet të rezistojmë, qytetari është i pari, pastaj vjen pushteti i tij. Kjo është një protestë e paorganizuar” tha ai.
Protesta e sotme ishte në mbrëmjen e tretë radhazi për vrasjen e 25-vjeçarit, Klodian Rasha, teksa rupi i qytetarëve kërkon largimin e Drejtorit të Përgjithshëm të Policisë, Ardi Veliu.
