Kryeministri Rama ka reaguar edhe njëherë në lidhje me çështjen e shkëmbimit të territoreve mes Kosovës dhe Serbisë. Kryeministrit të Kosovë, Ramush Haradinaj deklaroi se ekzistojnë një dyshim i madh se mbi këtë çështje të ketë pasur bisedime mes Presidentit Hashim Thaçi, kryeministrit Edi Rama dhe presidentit serb Aleksandër Vuçiç.
Në konferencën e përbashkët me Shefen e Politikës së Jashtme të BE-së, Federica Mogherini, ku Rama u shpreh se Shqipërisë duhet ti hapen negociata, u shpreh se:
“Për sa i përket komplotit për të copëtuar Kosovën, apo për të krijuar një hartë të re të botës, më kujton atë shprehjen që pa dalë facebook, “budallain e njihte vetëm shtëpia e vet”. Sot jetojmë në një borë që nga kjo pikëpamje është fatkeqe.
Shprehja “nëse do që gënjeshtrën tënde të besojnë bëje të pabesueshme”, është në përdorim të përditshëm për të goditur kundërshtarë, për masakruar karaktere personalitete në të gjitha nivelet, duke përfituar nga facebook dhe mundësia për të torolisur të gjithë dynjanë me gënjeshtra marramendëse.
Çdo shqiptar e kupton që kjo është një gënjeshtër e bërë aq e pabesueshme në mënyrë që të shitet dhe blihet në territorin e marrëzisë online. Më shumë do të shpjegoj më tutje kur të më jepet mudnësia”, Tha Rama.
